10 апрельлан шӱдыр-влак мом сӧрат?

Шорык. Тиде кечын шорык-влак, уда нерген ида шоно. Кеч-могай пашалан пижыда гынат, лӱдде да шуйкалыде тидым ыштыза.

Презе. Йолташда да лишыл еҥда-влак полышым йодын толыт гын, ида савырне. Кумылда огеш лий гынат, полшыза нунылан. Вес гана тендамат огыт мондо…

Йыгыр. Те гын ала-мом уым пален налыда. Тидыже тендам чот ӧрыктара, но нимогай лӱдыкшым ок кондо.

Рак. Тендам кугу паша вуча. Ятыр тургыжландарыше йодышланат вашмутым кычалаш логалеш. Порым шонен толшылан поро ден вашештыза, а кӧ ӱчым шуктынеже гын, кумылдам нунын верч ида йомдаре. Жап гыч йоҥылышыштым шке умылат.

Лев. Ончылно тендам пиал вуча. Эскерыза, кӧ тендан дек тиде кечын лишнырак лиеш. Лач тудлан апдам ойырыза.

Ӱдыр: Чылажымат тошто шинча дене ида ончо. Вет тендан илышдат кече еда вашталт толеш. У неле паша лектеш гын, ида чакне – ты кечын тудым вораҥдарен колташ вийда сита.

Виса. Пеҥгыде койыш-шоктышан лияш кӱлеш. Ятыр вучыдымо паша тыланда верештеш. Ида лӱд, но ойырымо жапрдамат эчкерыза.

Скорпион. Ала могай кугу лӱдыкшӧ тендан чонышто озалана. Ала тиде кечын тудым кораҥдаш тыршен ончеда?

Пикшызе. Пашада нелыла чучаш тӱҥалеш, но сайрак ончалза – тендан йыр полышым пуаш шонышо йолташда-влак ятырак улыт. Пайдаланыза тидын дене…

Ирказа. Мутым пуэн улыда гын, шукташак логалеш. Но вес гана тидын шотышто тӱткырак лийза! А ты гана гын, паша кечыда пайдаш гына кая.

Вӱдйоктарыше. Кӧн-гынат кумылжым волтеда. Шке титакдам вара гына умыледа. Сандене шкем чын улам манын шотлаш огеш кӱл.

Кол. Тиде кечым шканда пӧлеклыза!!! Но кӧ полышым йодын толеш – туп дене ида савырне…

Володя Матвеев