Мутшо ден семже Тимофей Петуховын

О, мыняре гана
Ончылнем эртенат.
Кодынам ошкылметым ончен.
Ынде тые кончет
Тамле омо денат,
Пуйто мый илышемым рончем.

Припев:
Чыталте, ӱшане, ит вашке,
Вет тиде йӧратымаш.
Чонетын моткоч шерге акше,
Волгалтын пеледалтеш.

Кечывалым, кастен,
Йӱдымат, эрденат
Тыйым веле шонем вашлияш.
Но молан тый кает
Весе ден адакат?
Шыргыжмет пеленемак лийшаш.

Припев.

Чарне шӱмым туржаш,
Ок кӱл чон ден модаш,
Йӧраталме, шӱмбел йолташем.
Шарне иктым гына,
Ок лий шкетын кодаш.
Пеленемак шынден наҥгаем.

Припев.