Шорык.
Кызыт ыштыме пашадам уэш шергал лекса. Пӱжвӱдым йоктараш логалеш, но те у куандарыше лектышым шижыда.

Презе.
Шкендан уда койышдам ида ончыкто. Ик могырым – лишыл еҥда-влак тендан деч кораҥ кертыт, а вес могырым – шканда шке эҥгекым конден кертыда.

Йыгыр.
Чыда шонымашда шукталтше манын, уло вийдам пышташ логалеш. Ида ӧркане, но утыжымат ида юватыл. Чыла сай лиеш.

Рак.
Йолташда-влак тендан кажне ошкылдам эскераш тӱҥалыт. Кушкыла те савырнеда, нунат тушкыла ончал кертыт. Сандене тӱткырак лийза.

Лев.
У пашалан пижме деч ончыч, кидда пырт чытырашат тӱҥалеш. Но лишыл йолташдам полшаш ӱжыда гын, шке ужыда, кузе пырля куштылгырак лиеш.

Ӱдыр.
Мом шонымыдам чын луктын каласаш тунемза. Вет йыр улшо еҥда-влак вес семынат умылен кертыт.

Виса.
Мӧҥгыштыда кугу вашталтыш лийшаш. Ешда да родо тукмыда дене пырля кечым эртареда гын, мутат уке, тиде вашталтышым шижыда.

Скорпион.
Уна-влакым вашлияш але шкежат унала миен толаш ямдылалтса. Тиде кече тӱрыснек, пайремлаш да жапым веселан эжртараш келша.

Пикшызе.
Тендан паша кумылдам ужын, лишылда-влакат кыртмен ышташ тӱҥалыт. Но шот дене ыштыман, тендам ончылден кертыт.

Ирказа.
Каналтыза. Кечым мӧҥгыштӧ ешда дене але родо-тукмыда дене эртарыза.

Вӱйоктарыше.
Тендамат сылне пӧлек дене ӧрыктарат. Кеч вучыза, кеч уке – саадак тудо тендан дек толын шуэш.

Ага тылзын шымше кечыже кол-влакын, вашлиймашлан поян. Шкендан тӱжвал тӱсдам эскералза, а молыжо тендан кумылда деч шога.

Матвеев Володя