Шорык.
Шке уда койышдам ида ончыкто. Тендан деч савырнен каен кертыт… Умбал корнышкат ида тарване.

Презе.
Иктаж-могай паша шотышто лӱдыкшым шижыда гын, паша йолташда-влаклан луктын каласаш ида лӱд. Нунымат туткар деч утарен кертыда.

Йыгыр.
Тиде кечым, йыгыр-влак, ешда дене эртарыза. Волгыдо да куан шӱлышым шижыда. Ешда – тендан эн ӱшанле эҥертышда.

Рак.
Вӱден шогымо пашаштыда ятыр экшыкым шижыда, но чакныман огыл. Колыштса, мом кӧргӧ вийда ышташ кӱшта.

Лев.
Таче те шке пӱсӧ уш-акылдам гына огыл, тыгак чыла вере йӧным муын моштышо, пашалын писе улмыдам ончыктеда. Ончыко! Ятыр йолташланда корным почыда.

Ӱдыр.
Тиде кечым шӱмбел йолташда дене эртараш тыршыза. Моло кече-влак дене таҥастарымаште – поснак.

Виса.
Могай мый пиалдыме улам манме шомакдам вуй гыч луктын кудалтыза. Йырда ончалза, чылажат тыланда шыргыжеш.

Скорпион.
Еҥын полышым вучыде, у пашалан шке пижса. Тиде тыланда моткоч кугу ошкылым ончыко ышташ полша.

Пикшызе.
Вучыдымо паша тыланда верештеш, но страус семын вуйым ошмаш чыкыман огыл. Ты пашам шукташ вийда сита.

Ирказа.
Эрдене мом кочкын улыда – эскералза. Пагарда коршташ тӱҥалын кертеш. Пашаштыдат вурседылаш да коклаш пураш ида тырше.

Вӱдйоктарыше.
Тыланда чылажат шемыла кояш тӱҥалеш. Но тиде кумылдам ынже волто. Икмыняр жап туркалтыза – чыла шке верыштыже лиеш.

Кол.
Паша шуко. Ала каналтеда ыле? Уто огыл. Но вес могырым, ыштеда гын, - сай лектышым шижыда.

Матвеев Володя