Зоя Дудина

О Поро Юмо да Шочынава,
Пӱренда мыланем шочаш-кушкаш,
Йомартле калык ден кочкаш-йӱаш,
Ӱмбалнем — ӱмырашлык ош кава.

Но воктенем уке ачам-авам,
Моткоч йӧратыме йолташ-влакем
Лач тоштыеҥла толыт мый декем,
Нуным рӱпшен малта Мланде-ава.

Мланде-ава, тый рок суратым поч!
Юмын-кава, кава суратым поч!
Кок мланде, кок сура лоҥга гыч вошт
Волгалтын йӱлӧ, о саска сорта...

5 апрель 2002

E-mail: dudina62@mail.ru