Зоя Дудина

О Поро Юмо! Чоныш пуро.
Да полшо мыланем ласкан илаш.
Тений йӧршеш утен чон муро,
Чон почын ойгым нигӧлан ойлаш!

Пурлаште – пурлагай-влак пурыт,
Шолаште – шолагай-влак шояклат.
Тыглай айдемын кинде шултыш
Эреак шомакан – тыге аклат.

О Поро Юмо, шем осалым,
Пычкемыш шӱлышым поктен колтал!
Куатле кӧргӧ вийым-алым,
Чон тымыкым кава гычын волтал,
О Поро Юмо!..

E-mail: dudina62@mail.ru