Шорык.
Тӱткырак лийза, тендам ондалаш тыршат. Эрыкым пуэда гын, таче тидым ыштен кертыт.

Презе.
Пашаштыда ятыр экшыкым шижыда. Вуйдам ида саке, нуным сеҥаш вий-куатда таче сита. Оксам арымеш ида пу.

Йыгыр.
Чыла вере йӧным муын моштышо койышда тыланда тиде кечын кӱлеш лиеш. Молан манаш гын, у шонымаш ушышыкыда толеш. Тудым илышыш шыҥдарыман.

Рак.
Оксам кучылтмо шотышто тендан чоныштыда лӱдыкшӧ шочеш. Но ида ойгыро, йолташда-влак ой-каҥаш дене полшен кертыт.

Лев.
Тендан вийда чылалан сита: пашаланат, йолташда-влакланат. Шекланыза, кӧлан полыш кӱлеш – тудо поро пашадам ок мондо.

Ӱдыр.
Кеч-могай пашаште сай лектышым вучеда гын, вий-куатдам висен ончыза – сита мо? Уке гын, эн лишыл йолташда тыланда полшаш ямде.

Виса.
Тачысе кече гыч те эрыкан удмыдам шижыда. Нигӧ да нимо тендам пашашке кычкаш ок тӱҥал. Икмыняр кече каналтыман…

Скорпион.
Тиде кече тендан шарнымашеш курымешлан кодеш. Лач йӧратыме еҥда воктене гына лийже.

Пикшызе.
Тендан дене мыскарам ыштен кертыт. Кумылда вола гынат, ончыкташ ида тырше.

Ирказа.
Тендан моторлыкда кеч-кӧн чонжым савыра. Шкежат ӧрыда: могай юзо вий тендам авалтаен?

Вӱдйоктарыше.
Чыла шотыштат писе лийза. Уке гын, вараш кодыда да улыжымат нелемдеда.

Кол.
Игече вашталтмым ида вучо. Илышышкыда вашталтышым пуртынеда гын, чылажат тендан деч гына шога.

Володя Матвеев

Гороскоп (mp3)