Шорык.
Эн лишыл йолташда гына тендам сайын умыла. Сандене тудын дене веле чон почын кутырен кертыда.

Презе.
Тиде кечын тыланда чытыше лийман. Илышда чыла могырым терга, сандене чылажымат чытен лекман.

Йыгыр.
У шӱлышым шижыда. Тиде тендам у сомыллан кумылаҥда. Вий-куатдам арам ида йомдаре.

Рак.
Мо тендан йыр ышталтеш – кугу лӱдыкшым конда. Но чакнеда гын, лектышыжым ужде кодын кертыда.

Лев.
Еҥым пагален да жаплен моштымыда тыланда таче эн кӱлешан койыш лиеш. Но йолташда-влакат тендан дек поро кумылан лийыт.

Ӱдыр.
Шӱмбел йолташда дене пырля лиймыда годым тӱткырак лийза: уто шомакым пелештыман огыл.

Виса.
Виса-влаклан таче пиал шыргыжалеш. Но те тудым шижын шуктышаш улыда.

Скорпион.
Пытартыш жапыште тендан ойым шагал еҥ колыштеш. Тачат тидын шотышто у йодышым тарватеда, но лектышыже саадак ок лий.

Пикшызе.
Ончылно лияш манын ятыр вий-куат кӱлеш. Ида ойгыро, чыла сай лиеш, но пашадам писынрак ыштыза.

Ирказа.
Мом-гынат йомдареда. Касым родо-тукымда дене пырля эртарыза, тиде тендан ойгым лушкыдемдаш полша.

Вӱдйоктарыше.
У пашалан ямде лийза. Кумылжат уке але тазалык начаррак гын, тудым ворандарен колтыде огеш лий.

Кол.
Эртышым ончалын, шке шотан иктешлымашым ышташ жап толын шуо. Шуко ӧрыктарышым шарналтеда.

Володя Матвеев

Гороскоп (mp3)