Пэкте Вачи

Мый шонышым –
ок тол тетла у кече,
Мый шонышым –
ош кече ок нӧлталт,
Мый шонышым –
осал шӱм сусыр верчын
Тӱня йомеш,
лиеш пытартыш тат.

Уке улмаш –
тугак мура пӧрткайык,
Тугак ош кече
мландым шымата,
Тугак пӧрдеш, шӱшкен,
тулан сандалык,
Окмак тӱня
тугак оксам тапта.

Кӧлан кӱлат,
кӧлан могане сомыл –
Коршта, шортеш
я кӱрыштеш чонет?
Тыят теҥгече
кочкыч весын омым –
Шӱмешыже шӱртнен,
утарышыч вует.

Молан шортат,
кӧлан тынар ӧпкеже?
Толеш кушеч
лыжга да шӱм ласка?
Ит вучо весе деч
мӱян леҥежым –
Ӱдет тӱняшке мом,
налат тугай саскам.

Кертам ыле гын, пел чон ойгыдам поген налам ыле.