Зоя Дудина

Ош лумын мландыш велме сем ден,
Марий яллашке Шорыкйол толеш.
Сий погышо, мӧчӧр-влак мур ден
Уремыш лектыт рӱж - йӱла почеш.

Пӱкш пудыртымо йӱк йоҥгалте,
Шуеш мӱйпӱрым тамлыме жапет.
Кудалте, ӱдыр, кӱнчылатым,
Мӧчӧр ден вескана кунам куштет?

Шӱкал тый ӧрдыж тӱрмеҥгетым –
Сӱан марте эше тӱрлен шуктет.
Мужед, кычал пиал-таҥетым,
Вет шорык йол вел таче кидыштет…

9 январь 2002

E-mail: dudina62@mail.ru