25 июньышто Марий Эл республик президентын Леонид Игоревич Маркеловын шочмо кечыже. Тудо 45 ийым тошкалыт. 1995-1999-ше ийлаште тудо Россий Кугыжаныш Думын депутатше лийын. А 2001-ше ийыште, чыланат палена, тудым Марий Эл республикын президентшылан сайленна. Ынде 8 ий Леонид Игоревич ты верыште тырша. Президент пресс-секретарьын ойлымыже почеш, ты кечын Леонид Игоревич пашам молгунамсе семынак шукташ тӱҥалеш. Саламлымаш-влакым шкенжын кабинетыштыже налын. А официальный ужашым 26 июньышто изарнян Константинов лӱмеш руш драм театрыште эртараш тӱҥалеш. Тушко 300 наре еҥ погынат. А лӱмын уна семын Российын сулло артистшым Лев Лещенком ӱжыныт.
«Чодыраште снеге пуш шарла гын, олыкышто – шудо пуш». Кундемнан пасулаштыже кургым ямдылыме паша шолеш веле. Июнь тылзын икымше пелыштыже йӱран игшече шогымылан кӧра, механизатор-влак тӱҥалме пашам рашт ыштен кертын огытыл, вес пашаш куснаш логалын. Тачысе кечылан ик тӱҥ пашалан шуко ияш шудым икымше гана солен налме шотлалтеш. Молан манаш гын, тиде пасу гыч эше ик гана июль-август тылзыште сенажым ямдылашлан шудым солаш шонат. Тидын нерген ял озанлык министр Александр Егошин каласен. Тыгак палемден, вольыкым ашнашлан сай качестван курго кӱлеш. Тений телым илен лекташлан 75 тӱжем шудо шапашым, 190 тонн сенажым, 225 тӱжем тонн силосым ямдылыман.
«Морко кундем поэзийым йӧратыше-влакым иктыш чумыра». 26-27 июньышто Себеусад ялыште «Яндар йӱкан турийже» Валентин Колумбын поэзийжым жаплыше-влаклан пайрем эрташ тӱҥалеш. Пайрем кышкар почеш, Чавайнур ялышсе тоштерын, марий вургемым ямдылыше «Тӱрлем ӱдыр» студийын пашашт дене палыме лиймаш лиеш. Тыгак «Карман курыкын» верланымыжым, сӧраллыкшым ончал савырнаш палемдыме. А «Колумб лудмаш» фестиваль-конкурс 27 июньышто 12 шагатлан тӱҥалеш. Тыгак творческий лабораторий да мастер-классым эртараш палемдыме.
Спорт увер. Йошкар-Олаште 23, 24 июньышто «Дружба» стадионышто кеҥежымсе ялысе спорт модмаш эртен. Тыште 14 команде гыч 500 утла спортсмен-влак ӱчашеныт. А 24 июньышто уэмдыме стадионным торжественно почмаш лийын. Тыште президент Леонид Маркелов шке аклыме мутшым ойлен. Тылеч вара тунемше-влак стадионным почмылан спортын тӱрлӧ видшым кучылтын презентацийым эртареныт. А 19 шагат гыч СССР да Марий Эл республикын ветеран команде-влак коклаште футбол модмаш эртен. 5:4 счет дене Марий Эл республикын ветеран-влак командыже сеҥышыш лектын.
«Ветеран-влак шеҥгелан огыт код». Юл кундем федерал округышто спорт ориенирований дене Чемпионат да первенстве эртен. Спорт министерствын палдарымыже почеш, ӱчашымашке 500 наре еҥ 13 регион гыч погыненыт. Каласаш кулеш, 14 гана трибунышко мемнан кундемысе сеҥыше-влакым ӱжыныт. Тыгак ветеран-влак команде ден кучедалмаште ойыртемалтыныт. Тиде сай лектыш. Ынде Марий Элысе спортсмен-влак август тылзыште Саратов олаште Россий кӱкштыштӧ эртаралтше ӱчашымашке каят.
Аня Левагина
Увер йогын (mp3)
«Чодыраште снеге пуш шарла гын, олыкышто – шудо пуш». Кундемнан пасулаштыже кургым ямдылыме паша шолеш веле. Июнь тылзын икымше пелыштыже йӱран игшече шогымылан кӧра, механизатор-влак тӱҥалме пашам рашт ыштен кертын огытыл, вес пашаш куснаш логалын. Тачысе кечылан ик тӱҥ пашалан шуко ияш шудым икымше гана солен налме шотлалтеш. Молан манаш гын, тиде пасу гыч эше ик гана июль-август тылзыште сенажым ямдылашлан шудым солаш шонат. Тидын нерген ял озанлык министр Александр Егошин каласен. Тыгак палемден, вольыкым ашнашлан сай качестван курго кӱлеш. Тений телым илен лекташлан 75 тӱжем шудо шапашым, 190 тонн сенажым, 225 тӱжем тонн силосым ямдылыман.
«Морко кундем поэзийым йӧратыше-влакым иктыш чумыра». 26-27 июньышто Себеусад ялыште «Яндар йӱкан турийже» Валентин Колумбын поэзийжым жаплыше-влаклан пайрем эрташ тӱҥалеш. Пайрем кышкар почеш, Чавайнур ялышсе тоштерын, марий вургемым ямдылыше «Тӱрлем ӱдыр» студийын пашашт дене палыме лиймаш лиеш. Тыгак «Карман курыкын» верланымыжым, сӧраллыкшым ончал савырнаш палемдыме. А «Колумб лудмаш» фестиваль-конкурс 27 июньышто 12 шагатлан тӱҥалеш. Тыгак творческий лабораторий да мастер-классым эртараш палемдыме.
Спорт увер. Йошкар-Олаште 23, 24 июньышто «Дружба» стадионышто кеҥежымсе ялысе спорт модмаш эртен. Тыште 14 команде гыч 500 утла спортсмен-влак ӱчашеныт. А 24 июньышто уэмдыме стадионным торжественно почмаш лийын. Тыште президент Леонид Маркелов шке аклыме мутшым ойлен. Тылеч вара тунемше-влак стадионным почмылан спортын тӱрлӧ видшым кучылтын презентацийым эртареныт. А 19 шагат гыч СССР да Марий Эл республикын ветеран команде-влак коклаште футбол модмаш эртен. 5:4 счет дене Марий Эл республикын ветеран-влак командыже сеҥышыш лектын.
«Ветеран-влак шеҥгелан огыт код». Юл кундем федерал округышто спорт ориенирований дене Чемпионат да первенстве эртен. Спорт министерствын палдарымыже почеш, ӱчашымашке 500 наре еҥ 13 регион гыч погыненыт. Каласаш кулеш, 14 гана трибунышко мемнан кундемысе сеҥыше-влакым ӱжыныт. Тыгак ветеран-влак команде ден кучедалмаште ойыртемалтыныт. Тиде сай лектыш. Ынде Марий Элысе спортсмен-влак август тылзыште Саратов олаште Россий кӱкштыштӧ эртаралтше ӱчашымашке каят.
Аня Левагина
Увер йогын (mp3)