«Финно-угор тӱням кугу мероприятий вуча». 5-ше тӱнямбал финно-угор калыкын конгессше 27 июнь гыч 1 июль марте Ханты-Мансийскыште эрташ тӱҥалеш. Тушко марий калык лӱм дене 20 делегат да 15 эскерыше мият. Конгрессыште финно-угор калыкын илышыжым 5 тӱҥ йодыш дене пленар каҥашпогынышто да йыргешке ӱсел годым лончылаш тӱҥалыт. Тиде этнополитике да право, тӱвыра, йылме да туныктыш шотышто йодыш-влак, тыгак тазалык, демографий, еш да СМИ йодыш-влакымат тарватат. Марий Эл республик гыч докладым Лариса Николаевна Яковлева ышташ тӱҥалеш.
«7-ше Россий кукшытыштӧ эртаралтше кеҥежымсе ялысе спорт модмашлан кундемна 99% ямде». Тыгай иктешлымашым Спорт министерствын пашеҥже-влак ыштеныт. 9 кугу спорт объект ӱчашымашлан ямде. Тидыжым регион кӱкшытысӧ модмашым эртарымек, «генеральный репетиций» ончыктен. Пашаште электросистемым, протоколым ыштыме программым тергеныт. Но тиде годымак ик ойыш шумо пашате экшык-влакым верештыныт. Лачак тиде йодышлан тӱткытым чотрак ойыраш тӱҥалыт. Ушештрена, 7-ше Россий кӱкшытысӧ кеҥежымсе ялысе спорт модмаш 7 гыч 12 июль марте эрташ тӱҥалеш. Тышкыже лачак Россий президент Дмитрий Медведев толшаш. Шонымо почеш таҥасымашке Россий Федерацийын 70 субъектше гыч спортсмен-влак толшаш улыт.
«Сакыр тамыл огыл». Тыге Йошкар-Олаште илыше «Кувшинка» кевытыште сакыр налмылан Роспотребнадзорыш вуйым шийын. Тылеч вара специалист-влак черетдыме тергымашым эртареныт. Тергыме годым сатум аралыме верыште 20 мешакан 8 поддон дене 50 килограмман сакыр ложаш мешакым муыныт. Кудыжо цемент кӱварвалне киеныт. Да нуно штабель ярлык деч посна лийыныт. Тыгак сакыр ГОСТ йодмаш дене келшен огыл. Тыге 40 тӱжем штрафым тӱлаш пуэныт да ужалмаш гыч 1 тонн 200 килограмм сакыр ложашым кораҥденыт.
«Кокшайск да Таир посёлкышто илыше-влак деч оласе номерым налыт». 30 июнь гыч 1 июльышто тиде илыме велаште АТС пашаеҥ-влак телефон линийым Звенигово районысо линийышке кусарат. Вашталтыш-влак 6-81-00 гыч 6-84-99 абонент-влакым авалта. Ынде номер-влакым погымо годым район кодым шотыш налман. Да телефон дене мутланымылан район кокласе кыл семын тӱлаш тӱҥалыт. Тидыже 1 минутлан 2 теҥге лиеш. Тидын нерген «Волгателеком» филиалын пресс-секретарьже Елена Костина увертарен.
«Фонтанным мушкаш йӧратыше-влакым кученыт». 24 июньышто 4 шагат эрдене 3 самырык рвезе-влакым «Фейри» кӱмыж-совлам мушкаш йӧршӧ шовын вӱд дене ужыныт. Самырык-влакын ӱчым ыштымекышт, фонтан йыр 20 метр кумдыкышто шовын вӱд шарлен. МВД пресс-службын палемдымыже почеш, тиде школым тунем пытарыше-влак лийыныт. Тыге нуно школ дене чеверласыме касым мучашлаш шоненыт. Рвезе-влакым мӧҥгышт колтеныт, но ты годым ӧрдыж кундемыш кайыдыме нерген кидпалым пыштыктеныт. А ача-аваштлан административ штрафым тӱлаш верештеш. «Водоканал» тӧнеж мыняр эҥекым кондымым палемдымек, уголовный пашам почыт.
Аня Левагина
Увер йогын (mp3)
«7-ше Россий кукшытыштӧ эртаралтше кеҥежымсе ялысе спорт модмашлан кундемна 99% ямде». Тыгай иктешлымашым Спорт министерствын пашеҥже-влак ыштеныт. 9 кугу спорт объект ӱчашымашлан ямде. Тидыжым регион кӱкшытысӧ модмашым эртарымек, «генеральный репетиций» ончыктен. Пашаште электросистемым, протоколым ыштыме программым тергеныт. Но тиде годымак ик ойыш шумо пашате экшык-влакым верештыныт. Лачак тиде йодышлан тӱткытым чотрак ойыраш тӱҥалыт. Ушештрена, 7-ше Россий кӱкшытысӧ кеҥежымсе ялысе спорт модмаш 7 гыч 12 июль марте эрташ тӱҥалеш. Тышкыже лачак Россий президент Дмитрий Медведев толшаш. Шонымо почеш таҥасымашке Россий Федерацийын 70 субъектше гыч спортсмен-влак толшаш улыт.
«Сакыр тамыл огыл». Тыге Йошкар-Олаште илыше «Кувшинка» кевытыште сакыр налмылан Роспотребнадзорыш вуйым шийын. Тылеч вара специалист-влак черетдыме тергымашым эртареныт. Тергыме годым сатум аралыме верыште 20 мешакан 8 поддон дене 50 килограмман сакыр ложаш мешакым муыныт. Кудыжо цемент кӱварвалне киеныт. Да нуно штабель ярлык деч посна лийыныт. Тыгак сакыр ГОСТ йодмаш дене келшен огыл. Тыге 40 тӱжем штрафым тӱлаш пуэныт да ужалмаш гыч 1 тонн 200 килограмм сакыр ложашым кораҥденыт.
«Кокшайск да Таир посёлкышто илыше-влак деч оласе номерым налыт». 30 июнь гыч 1 июльышто тиде илыме велаште АТС пашаеҥ-влак телефон линийым Звенигово районысо линийышке кусарат. Вашталтыш-влак 6-81-00 гыч 6-84-99 абонент-влакым авалта. Ынде номер-влакым погымо годым район кодым шотыш налман. Да телефон дене мутланымылан район кокласе кыл семын тӱлаш тӱҥалыт. Тидыже 1 минутлан 2 теҥге лиеш. Тидын нерген «Волгателеком» филиалын пресс-секретарьже Елена Костина увертарен.
«Фонтанным мушкаш йӧратыше-влакым кученыт». 24 июньышто 4 шагат эрдене 3 самырык рвезе-влакым «Фейри» кӱмыж-совлам мушкаш йӧршӧ шовын вӱд дене ужыныт. Самырык-влакын ӱчым ыштымекышт, фонтан йыр 20 метр кумдыкышто шовын вӱд шарлен. МВД пресс-службын палемдымыже почеш, тиде школым тунем пытарыше-влак лийыныт. Тыге нуно школ дене чеверласыме касым мучашлаш шоненыт. Рвезе-влакым мӧҥгышт колтеныт, но ты годым ӧрдыж кундемыш кайыдыме нерген кидпалым пыштыктеныт. А ача-аваштлан административ штрафым тӱлаш верештеш. «Водоканал» тӧнеж мыняр эҥекым кондымым палемдымек, уголовный пашам почыт.
Аня Левагина
Увер йогын (mp3)