Ханты-Мансийскыште Россий-Евросоюз cаммитын участникше-влак иквереш чумыргеныт. Тушко Еврокомиссийын президентше, Евросоюзын тӱжвал политике да лӱдыкшыдымылык йодыш шотышто ӱшанеҥ, Словений Виктер вуйлатыше да Саммитын моло еҥыштат погыненыт. Тыгак Югрыш Россий президент Дмитрий Медведев миен. Чыланыштым Ханты-Мансийск автоном кундемын губернаторжо Александр Филипенко вашлийын. Тидын нерген Регионысо пресс-службо увертарен. Эксперт-влак палдарат, Евросоюз да Россий коклаште Саммит вашталтышым пурта. Тиде вашлиймаш гыч ваш кылым ыштыме нерген вашкелшыкым пеҥгыдемдымым вучат. Молан манаш гын, 1994 ийыште Москваште да Брюселльыште пеҥгыдемдыме Кӧнымой тоштемын. Саммит каҥашпогын «Югра-Классик» рӱдерыште 27 июньышто эртен. Тидыже лачак 5-ше финно-угор калык конгресс эртыме кышкарыште палемдыме лийын. Ушештарена, Конгресс 27 июнь гыч 1 июль марте Ханты-Мансийскыште эрташ тӱҥалеш. Тушко 11 эл гыч 300 делегат, 350 эскерыше, тыгак вуйлатыше да журналист-влак вашлийыт.
«Марий Эл ончылно улеш». Илышкыл-экономик показательым ончымаште кундемна ончыл верыште кая. Эртыше 5 тылзе жапым иктегшлен каласаш гын, йӧндартыш (производство) вияҥме дене Марий Эл кокымшо верыш лектын. Идалык тӱҥалтыш гыч йӧнозанлык йӧндартыште сатум ыштен налмаш 20%-лан кугемын. А тӱҥ капиталын инвестицийже ик кумшо ужашлан кушкын. Тидын нерген Росстат увертар. Лачак тидын дене кылдалтын кундемыште пачерым сдатлыме шотышто вашталтышым палемдаш лиеш. Мутлан идалык тӱҥалтыш гыч 945 пачерым сдатлыме. Тидын годымак чоҥымо пашаят вораҥын толеш. А теве пашадар кугытым ончалаш гын, тудо кокла шот дене 10 тӱжем теҥге марте вашталтын.
«Самырык-влаклан сырам ужалымылан-штраф». Килемар районышто амалкалче ваштареш уголовный пашам почыныт. Тидыже кевытлаште сырам (пивым) ужалыме годым правилым пудыртымо дене кылдалтын. Ага тылзыште кевытче 16 ияш самырык рвезылан «Кулер» сырам ужален. Тыге вуйлатышылан пашам эскерыдымылан 2 тӱжем штрафым тӱлаш пуэныт.
«Паша лектышым цифре-влак ончыктат». Идалык тӱҥалтыш гыч корныеҥ-влак дене кылдалтше туткар-влак шагалем толыт. Теве мутлан, ӱмаште ГИБДД пашаеҥ-влакын палдарымышт почеш 108 туткар лийын. А тачысе кечылан кундемна мучко 55 туткар лиймым палемдыме. Тидыже корно правилым эскерыше-влакын умылтарыме пашам эртарымышт дене кылдалтын.
«В.Х.Колумбын поэзийжым жаплыше-влак Морко кундемышке вашкат». 27 июньышто Себе-Усад ялыште «Яндар йӱкан турийже» мероприятий эртен. Паша кышкар почеш, ончаш толшо-влакым Чавайнур ялышсе тоштерын, Марий вургемым ямдылыше «Тӱрлем ӱдыр» студийын пашашт дене палыме лийыныт. Тыгак «Карман курыкын» сӧраллыкшым ончал савырненыт. Да тӱҥ пашаже «Колумб лудмаш» фестиваль-конкурс эртен. Тушто тӱрлӧ номинацийыште шке мастарлыкыштым поэзийым йӧратыше-влак ончыктеныт. Тыгак творческий лабораторий да мастер-класс эртен.
27 июньышто Россий мучко самырык-влакын кечышт палемдалтеш. Мемнан кундемыштат тиде кечым палемденыт. Теве мутлан, Йошкар-Олаште кечывалымак мероприятий-влак тӱҥалыныт. Тушто самырык-влаклан келшыше направлений-влак дене мастарлыкым РЭП, брейк-данс куштымаште, спорт дене кылым кучымаште ончыктеныт. Пайрем эртарыме кышкар почеш, граффити, паркур, стритбол направлений-влак дене палдарымаш лийын. А 16 шагат гыч Курымашлык тул воктене «Йоча пагыт отром» (Островок детствам) почыныт.
«2008 ийын Йошкар-Оласе Шокшыжо» лӱм дене 28, 29 июньышто Алтимат фризби дене турнир эрташ тӱҥалеш. Фризби – тиде чоҥештылше диск дене кылдалтше спорт. Тыгай спорт таҥасымаш кундемыште вияҥаш веле тӱҥалеш. Садлан тазалык верч да самырык турымлан спортын у видше дене палымым ышташлан тиде мероприятий эртаралтеш. «Строитель», «Электрон» стадионышко Моско ола, Угарман, Смоленск, Пермь, Одо кундем гыч команде-влак толыт.
Аня Левагина
Увер йогын (mp3)
«Марий Эл ончылно улеш». Илышкыл-экономик показательым ончымаште кундемна ончыл верыште кая. Эртыше 5 тылзе жапым иктегшлен каласаш гын, йӧндартыш (производство) вияҥме дене Марий Эл кокымшо верыш лектын. Идалык тӱҥалтыш гыч йӧнозанлык йӧндартыште сатум ыштен налмаш 20%-лан кугемын. А тӱҥ капиталын инвестицийже ик кумшо ужашлан кушкын. Тидын нерген Росстат увертар. Лачак тидын дене кылдалтын кундемыште пачерым сдатлыме шотышто вашталтышым палемдаш лиеш. Мутлан идалык тӱҥалтыш гыч 945 пачерым сдатлыме. Тидын годымак чоҥымо пашаят вораҥын толеш. А теве пашадар кугытым ончалаш гын, тудо кокла шот дене 10 тӱжем теҥге марте вашталтын.
«Самырык-влаклан сырам ужалымылан-штраф». Килемар районышто амалкалче ваштареш уголовный пашам почыныт. Тидыже кевытлаште сырам (пивым) ужалыме годым правилым пудыртымо дене кылдалтын. Ага тылзыште кевытче 16 ияш самырык рвезылан «Кулер» сырам ужален. Тыге вуйлатышылан пашам эскерыдымылан 2 тӱжем штрафым тӱлаш пуэныт.
«Паша лектышым цифре-влак ончыктат». Идалык тӱҥалтыш гыч корныеҥ-влак дене кылдалтше туткар-влак шагалем толыт. Теве мутлан, ӱмаште ГИБДД пашаеҥ-влакын палдарымышт почеш 108 туткар лийын. А тачысе кечылан кундемна мучко 55 туткар лиймым палемдыме. Тидыже корно правилым эскерыше-влакын умылтарыме пашам эртарымышт дене кылдалтын.
«В.Х.Колумбын поэзийжым жаплыше-влак Морко кундемышке вашкат». 27 июньышто Себе-Усад ялыште «Яндар йӱкан турийже» мероприятий эртен. Паша кышкар почеш, ончаш толшо-влакым Чавайнур ялышсе тоштерын, Марий вургемым ямдылыше «Тӱрлем ӱдыр» студийын пашашт дене палыме лийыныт. Тыгак «Карман курыкын» сӧраллыкшым ончал савырненыт. Да тӱҥ пашаже «Колумб лудмаш» фестиваль-конкурс эртен. Тушто тӱрлӧ номинацийыште шке мастарлыкыштым поэзийым йӧратыше-влак ончыктеныт. Тыгак творческий лабораторий да мастер-класс эртен.
27 июньышто Россий мучко самырык-влакын кечышт палемдалтеш. Мемнан кундемыштат тиде кечым палемденыт. Теве мутлан, Йошкар-Олаште кечывалымак мероприятий-влак тӱҥалыныт. Тушто самырык-влаклан келшыше направлений-влак дене мастарлыкым РЭП, брейк-данс куштымаште, спорт дене кылым кучымаште ончыктеныт. Пайрем эртарыме кышкар почеш, граффити, паркур, стритбол направлений-влак дене палдарымаш лийын. А 16 шагат гыч Курымашлык тул воктене «Йоча пагыт отром» (Островок детствам) почыныт.
«2008 ийын Йошкар-Оласе Шокшыжо» лӱм дене 28, 29 июньышто Алтимат фризби дене турнир эрташ тӱҥалеш. Фризби – тиде чоҥештылше диск дене кылдалтше спорт. Тыгай спорт таҥасымаш кундемыште вияҥаш веле тӱҥалеш. Садлан тазалык верч да самырык турымлан спортын у видше дене палымым ышташлан тиде мероприятий эртаралтеш. «Строитель», «Электрон» стадионышко Моско ола, Угарман, Смоленск, Пермь, Одо кундем гыч команде-влак толыт.
Аня Левагина
Увер йогын (mp3)