Шергакан марий-влак!Октябрь тылзе Российысе кугыжанышлан, шочмо калыкланна у тергымашым конда. Элыштына угыч калык чотым шотлаш тӱҥалына.
Мер Каҥаш шочмо калыкнан кажне айдемым, ӱдыр-эргыжым, мари улмыштым чын да раш ончыкташ ӱжеш. Тыге ме, шуко калык коклаште шаланен илыше марий-влак, шке шотан наций улмынам калык чот денат пеҥгыдемден кертына.
Калык чотым шотлымаш кажне айдеме деч кумда умылымашым, тӱткылыкым йодеш. Мер Каҥаш угыч чылаланда шижтара: мыланна шерге кажне марий чон, кажне марий айдеме. Марий улмыдам «мари» мут денак ончыктыза!
Пагалыме самырык ӱдыр-эрге-влак! Шке тукым-вождам пагален шарнен, марий улмыдам ончыкташ вашкыза.
Ме ӱшанена: марий-влак калык чотым шотлымаште шкеж нерген ик наций семын увертарат. Лач тыге гына ме Марий Элнан, Российын пиалан пӱрымашыж нерген ӱшаным илышыш шыҥдарен кертына!
Россий Кугыжаныш Думын депутатше,
Мер Каҥаш вуйлатыше
Лариса Яковлева