Мутшо ден семже палыдыме авторын

Канде каваште шӱдыр йӱла,
Молан гын тудо пар деч посна.
Мыйын шӱмемже, мыйын шӱмемже
Тулла йӱла.
Ой, йӧратымаш, ой, йӧратымаш,
Кунам толат.
...

Мутшо ден семже Константин Зайнетдиновын

Кушто улат тый, таҥем?
Тыйым вел мый шонем.
Мом ышташ, куш пураш?
Кодеш лач ойгыраш.

Припев:
Куэ гай кап-кылет,
Ныжылге ошкылмет -
Эреак шинчаштем,
Йӧраталме таҥем.
...

Татар мурым марлаҥдыме

Ушыштем - тымык тылзын кас-влакше,
Шӱмыштем - йогын вӱд йолгорно.
Ок мондалт икымше йӧратымаш,
Ок мондалт Ош Вичын йогынжат.
...

Мутшо Альбертина Иванован
Семже Вениамин Захаровын

Шовырым чием - тылат ок келше,
Шовычым пидам - от кой шыман.
Ший алгамын чылдыр-чылдыр семже
Йӱкет гае чытырна, ит ман,
ах, тый ит ман,
ит ман.

Ваштареш шогалын тавалтем гын,
Вуйым шупшын ӧрканен лектат.
Тиде йолташем ден мом ыштем гын?
Пырыс ок коч кой(ы)шыжым, товат!

Припев:
Ах, шовырем, ах, шовырем,
Тӱрлен-тӱрлен, кодалын йӱд омем.
Кунар йоген шинчавӱдем,
Лач тый палет, сӱанлык шовырем.
...

Мутшо Филимон Ибатовын
Семже Мефодий Петровын

Арымшудо, арымшудо,
Кочо, кочо тый улат.
Пален омыл мые тудым -
Лиеш кочо илышат.

Припев:
Арам тудым колыштальым,
Уло чон ден ӱшанен.
Арам шудеш шӱрен мӱйым
Ондален мыйым коден,
Ондален мыйым коден.
...

Мутшо Юрий Рязанцевын
Семже Иван Егоровын

Ала шошым, ала сылне шыжым,
Ой, огеш лий тидым умылаш.
Самырык, ораде чоныш пиже
Йӧратымаш, йӧратымаш.
Кайык муро дене темше чодыраште,
Кече дене модшо куэрлаште
Мыйын ныжыл муремже йоҥгалтше,
Мурыштемже - чон шонымем.
...

Мутшо Василий Регеж-Гороховын
Семже Владислав Куприяновын

Ой, шӱшпык,
Ой, сар шӱшпык,
Моткочак йӧсӧ мыланем:
Таҥемже,
Шӱм таҥемже
Каяле, мыйым кудалтен.

Припев:
Умылен кертат мо
Тидым тый, ала?
Лачак иктым шӱм йодеш:
Шӱшкалте, тек тӱня мура!
Ала чонемлан луш, ласка лиеш? 2 гана
...

Мутшо Мардан Раян
Семже Иван Егоровын

Кеч-мыняре пагыт эрталеш,
Ава шӱм йоча пелен лиеш.
Тидым кызыт веле умылем,
Аваем, аваем, аваем.
Шукертак шкежат ава улам,
Садак кӱдынет йоча лиям.
Вачышкет вуем мый пыштынем,
Аваем, аваем, аваем.
...

Мутшо ден семже Николай Арбанын

Илем мый, шонкален,
Илем мый, ӱшанен,
Сай йолташым муаш,
Илыш-корным эрташ,
Сай йолташым муаш,
Тудлан чыным ойлаш,
Тудлан чыным ойлаш:
«Ончал мыйын шинчаш.
...

Мутшо Альбертина Иванован
Семже Вениамин Захаровын

Ош йолгорно, ош йолгорно -
Толмо корно тыланет.
Ош йолгорно шуйныш порын
Мыйын чон гыч тый декет.
Вашлияш лектам гын водын,
Ӱшанаш ок лий, шонет?
Йӱштӧ лупс лач шудыш возо -
Ок нӧрӧ йолет.

Припев:
Таҥем, таҥем,
Каласе мыланем:
«Таҥем, таҥем,
Мый тыйым йӧратем».
Кунам, таҥем,
Лият тый пеленем?
Таҥем, таҥем,
Каласе мыланем.
...