Мутшо Серафим Антроповын
Семже Валентин Милютинын

Рвезе годсо пагыт, вашлиялме пагыт,
Уш гыч нигунам от лектын кай.
Мыланемже тые улат ныжыл лыве,
Мый лийнем тылат пеледыш гай.

Припев:
Шого таҥем, шого,
Шоно, кеч ит шоно,
Лӱмешемак шочынат улмаш.
Пале, шарне, пале,
Шошо вӱд гай тале,
Авалтен шӱмем йӧратымаш.
...

Мутшо В.Изилянован
Семже В.Захаровын

Шонышо мый лийым,
Вучышо мый лийым.
Корнывожыш лектын,
Тыйым кӧ вашлийын?
Олыкна пеледе,
Толкыналтын кийыш,
Шӱлыкем леведын,
Саламетше мийыш.
...

Мутшо ден семже палыдыме авторын

Пиал дек кайыме корно
Чынак вет йыжыҥан.
Мый тыйым вучен омыл,
Мый весым вученам.
...

Мутшо Валентин Колумбын
Семже Вениамин Захаровын

Ни вучалын омыл,
Ни шоналын омыл,
Сонимакым шындымеке
Лывыжга дыр, манын.
Ни вучалын омыл,
Ни шоналын омыл,
Поро таҥ ден келшымеке
Кудалта дыр, манын.
...

Мутшо Василий Регеж-Гороховын
Семже Виталий Алексеевын

Лывыла лум йога, пӧрдын-модын,
Шарныкталын кеҥежым мылам.
Лек уремыш, таҥем, лек уремыш, таҥем,
Ынже ойыро йӱштӧ мемнам.
...

Мутшо Николай Егоровын
Семже Иван Ванюковын

Канде шинчам йӧратем,
Василёк гаяк чевер.
Кунам тудым вашлиям,
Пелед кая йырым-ваш.

Припев:
Канде шинча, молан
Мыйын шӱм ден модат?
Молан тые ойлет:
«Йӧратем, йӧратем!»
А вет шкеже кает
Весе ден вашлияш.
А вет шкеже кает
Весе ден вашлияш.
...

Мутшо Альбертина Иванован
Семже Вениамин Захаровын

Ынде мом ыштем, ом пале, -
Йогынвӱд мӧҥгеш ок кай,
Ош вӱргенчыкет йымалне
Тый коят ош йӱксӧ гай.
Шергашан кидет гыч налын,
Каче вальсышке луктеш,
Чон пиалым, еш пиалым
Тыланен, шумем шортеш.

Припев:
Юмынӱдыр, Юмынӱдыр,
Ош кава гыч воленат,
Пиалемлан, орлыкемлан
Мыланем тый конченат.
Юмынӱдыр, Юмынӱдыр,
Ах, кузе тый шыргыжат!
Но молан гын, но молан гын,
Весылан тый шочынат?
...

Мутшо Василий Крыловын
Семже Юрий Евдокимовын

Икте-весынажым
Ваш йӧратена.
Кидпӱаныш налын
Ошкыл колтена.
Таче коктын,
Эрла коктын,
Эре коктын лийына.
Ош тӱняште,
Йывырталын,
Ме волгалтын илена.

Припев:
Коктын ӱмыр мучко,
Ончык ик семын ошкыл,
Ваш-ваш келшен илен,
Висвис кумылым нолтен,
Нелым иквереш сеҥен,
Еҥлан порым вел шонен,
Коктын чоҥена ме сай ешым,
Йӧратен калыкнам.
...

Мутшо ден семже Анатолий Николаевын

Йӱштӧ телым шоныметым
Возенат тый ош лумеш.
Шӱм гыч лекше ты мутетым
Ынде шошо вӱд мушкеш.

Припев:
Шинчаштемже тыйынак веле
Чевер мак гай чуриет.
Ушыштемже, йӧратем манын,
Вожылалын ойлымет.
...

Мутшо Альбертина Иванован
Семже Вениамин Захаровын

Ош йолгорно, ош йолгорно -
Толмо корно тыланет.
Ош йолгорно шуйныш порын
Мыйын чон гыч тый декет.
Вашлияш лектам гын водын,
Ӱшанаш ок лий, шонет?
Йӱштӧ лупс лач шудыш возо -
Ок нӧрӧ йолет.

Припев:
Таҥем, таҥем,
Каласе мыланем:
«Таҥем, таҥем,
Мый тыйым йӧратем».
Кунам, таҥем,
Лият тый пеленем?
Таҥем, таҥем,
Каласе мыланем.
...