Зоя Дудина
Юмо, тол!
Пӱрышӧ, тол!
Суксо, тол!
Сай ден поро
Ӱстелтӧрыш тол!
Кинде-шинчалнажым высмылте!
Сай серлагыш ден перкем ыште!
Кочкын лекме годым
Юмо пӱрымым кочкым,
Юмо велымым йӱым,
Юмын пӱрымым муым,
Пӱрышем, кугу тау!
22 май 2005
Автор:
user | Дата: 8 мая 2008 | Просмотров: 949 Коментарии: 1 |
ПодробнееЗоя Дудина
Эр Юмо, эр Суксо, Ош Юмо, ош Суксо,
Шочынава да Серлагышым пуышо,
Эргымым Пӱрышӧ, Илышым тӱзышӧ,
Чоным пуэн
ойлымем
чоныш шужо.
...
Автор:
user | Дата: 7 мая 2008 | Просмотров: 805 Коментарии: 0 |
ПодробнееЗоя Дудина
Кугу Юмо да Пӱрышӧ, Шочынава,
Сай тазалык ден шочын кушкаш пӱренда,
Ош сандалыкым шижын шӱлаш шӱденда,
Мыланем омыштат илыман пеленда.
Шӱдыран кава, полшо кид-йол лывырташ,
Мамыкан мланде, полшо капем кандараш,
Ӱжаран эр ӧндалже - чонем куанаш,
Сай серлагыш авалже - куатлын илаш!
22 май 2002
Автор:
user | Дата: 7 мая 2008 | Просмотров: 819 Коментарии: 0 |
ПодробнееЗоя Дудина
Вуйӱмбал Кугу Юмо,
Ий гыч ийышке, тылзе гыч тылзыш,
Кече гае эрдене нӧлталтын,
Шӱдыр гае шем йӱдым волгалтын,
Порсын гай вусолалт ярымлалтын,
Умла гае пелед оваргалын,
Шыште гай ӱмыремым шуялын,
Модын-воштыл илаш мылам полшо:
Сай тазалыкым, шулыкым пӱрӧ!
8 февраль 2001
Автор:
user | Дата: 7 мая 2008 | Просмотров: 910 Коментарии: 0 |
ПодробнееЗоя Дудина
Марий калыкым Юмо арален коден. (Мутланымаш гыч)
Кажне калыкын уло ончалтыш*,
Кажне калыкын уло йӱла.
Мыланна ӱмырешлан аралтыш —
Чимарий ото, юмыйӱла…
...
Автор:
user | Дата: 6 мая 2008 | Просмотров: 631 Коментарии: 1 |
ПодробнееЗоя Дудина
Кугече-ош юмо, вӱчкалын йӧрате,
Тичмаш кинде гай оварген иланаш.
Тичмаш мелна кышыл, тичмаш пура ате,
Тичмаш тек лиеш илышна — куанаш.
...
Автор:
user | Дата: 6 мая 2008 | Просмотров: 817 Коментарии: 0 |
ПодробнееЗоя Дудина
Агавайрем кугу юмо, Тӱня юмо,
Кече-ава, сорла Тылзе-ава,
Кӱдырчӧ юмо, Волгенче ош юмо,
Мланде-ава, тендан деке кумалмына шужо.
...
Автор:
user | Дата: 6 мая 2008 | Просмотров: 832 Коментарии: 0 |
ПодробнееСергей Григорьевич ЧавайнИк тымык ото уло мемнан элыште,
Шога тудо ото кугу ер серыште.
Тушто ладыра деч ладыра пушеҥге кушкеш.
Тушто мотор деч мотор саска шочеш.
Тушто, ужар лышташ лоҥгаште, шӱшпык мура,
Тушто ото гыч ерышке яндар памаш йога.
Тушто шудыжат ужаргырак,
Тушто пеледышыжат сылнырак.
Тудо отым мый йӧратем,
Тушто пушеҥге руышым мый вурсем.
Автор:
user | Дата: 13 апреля 2008 | Просмотров: 1560 Коментарии: 5 |
ПодробнееВ.М.Регеж-Горохов
Кугу тӱняште
Шуко эл коклаште
Лач тый гына
Улат, мотор, чечен
Да волгыдо кечан илем.
Чодрат лоҥгаште
Ме порын илена,
Ваш-ваш келшен.
...
Автор:
user | Дата: 4 апреля 2008 | Просмотров: 864 Коментарии: 2 |
ПодробнееВ.М.Регеж-Горохов
Паледа, уке те, мо тыгае Марий Эл?
Колында, уке те, мо тыгае Марий Эл?
Ужын огыдал гын,
Колын огыдал гын,
Кертыда мурем гыч те пален.
Марий Эл –
Акрет чодра, пасу, ший ер.
Марий Эл –
Ачам-авамын шочмо вер.
Марий Эл –
Элемын ик изи ужаш.
Марий Эл –
Лач мыйын ӱмыраш пыжаш.
...
Автор:
user | Дата: 4 апреля 2008 | Просмотров: 744 Коментарии: 2 |
Подробнее
