http://www.mari-el.name/ ru Марий Эл ТВ - Mari-el.name - Марий Эл увер, статьи, город Йошкар-Ола, марийские шрифты. DataLife Engine http://www.mari-el.name/2009/03/03/marijj-jel-tv.html http://www.mari-el.name/2009/03/03/marijj-jel-tv.html

...]]> user Tue, 03 Mar 2009 11:10:32 +0300 http://www.mari-el.name/2009/01/20/20-janvar.html http://www.mari-el.name/2009/01/20/20-janvar.html «Марий Эл ТВ» эфирыштыже лекше «Теме ден комментарий» программе гыч:

1. Шке пашажым йӧратыше да сайын ыштыше айдемым кеч-кунамат «мастар еҥ» маныт. Тудо шке пашажым моштен виктара. Сандене тудлан эн неле сомылым ӱшанен пуат да сай лектышым налыт. Мастар еҥ – тиде ремесленник, туныктышо, кӱлеш ойым пуышо, икманаш, чыла шотыштат профессионал. Шке пашажлан мыняр оксам налеш, тудлан тиде – тӱҥ огыл. Тудлан ыштыме сомылжын лектышыже шерге. А молан тудо шке пашажым эре сайын шукта? Вес семын тудо ыштен огеш мошто.

2. Тора йот элысе уна-влакым Марий Элыш мо конден? Эн ондак порылык да вес айдемылан полшаш ямде улмо койыш. Лач тыгай еҥ-влак волонтер радамыш ушнат да шке пашашт дене моло-влакым куандарат. Поснак ача-ава деч посна кодшо йоча-влакым.

...]]> lifeway Tue, 20 Jan 2009 13:01:33 +0300 http://www.mari-el.name/2009/01/12/13-janvar.html http://www.mari-el.name/2009/01/12/13-janvar.html «Марий Эл ТВ» эфирыштыже лекше «Теме ден комментарий» программе гыч:

1. Тений сентябрьыште Марий Элыште икымше энциклопедий лекшаш. Тудын тӱҥ редакторжо – Марий Элын Президентше Леонид Маркелов.
МарНИЯЛИ-н директоржо Александр Казимовын палемдымыж почеш, ты паша Марий кундемын акрет годсо жап гыч тӱҥалын тачысе кече марте чыла авалтышаш. Тудо кундемнан визитный картычкыже лийшаш. Энциклопедийыш чылаже 3 тӱжем наре статья пура. Книгам лукташлан оксам республикысе бюджет ойыра.

2. Ӱмаште марий калыкна моткоч уста, лӱмлӧ, пагалыме айдемыжым йомдарыш. Вячеслав Абукаев-Эмгакын лӱмжӧ калык чонышто курымешлан шӧртньӧ буква дене возалт кодеш. Декабрь тылзыште калык писательлан 50 ий темеш ыле. Тиде амал денак М. Шкетан лӱмеш марий кугыжаныш драме театрыште тудым шарныме кас эртен. Тушко родо-тукымжо, лӱмлӧ писатель ден поэт, Вячеслав Абукаевын йолташыже да тудым пагалыше-влак чумыргеныт. Нуно писательын илышыже да пашаже нерген ойленыт, видеосӱрет полшымо дене эртышым шарналтеныт. Айдеме уке лиймеке, чынжымак, ме тудын нерген шукырак ойлаш тӱҥалына.

...]]> user Mon, 12 Jan 2009 19:30:21 +0300 http://www.mari-el.name/2009/01/11/12-janvar.html http://www.mari-el.name/2009/01/11/12-janvar.html «Марий Эл ТВ» эфирыштыже лекше «Теме ден комментарий» программе гыч:

1. Тений У ийым лу кечаш каныш дене тӱҥална. Тазалыкаралтыш министерствыште палемдат: Российыште илыше калыклан тыгай каныш пайдам веле конда. Теве мо шотышто: кужу каныш годым пашаче калык кана, жапым еш дене пырля эртара. Вара сай кумыл дене пашам тӱҥалеш да январь тылзын кодшо кечылаштыже кугу лектышым ончыкта.

А Кугыжаныш Думын депутатше-влакын мутышт почеш, кужу каныш демографий сӱретымат саемдаш полша. Тудын лектышыжым ме сентябрь тылзыште пален налына.

2. Милиций пашаеҥ-влак шӱльым ямдылат да имне дене кудалышташ тунемыт. Тений Йошкар-Ола уремлашке имнешке-влак патруль дене лектыт. Тидлан кызыт Руэмысе ипподромышто чылаже 4 имне уло. Нуным пошкудо Татарстан гыч конденыт. МВД пашаеҥ-влакын мутышт почеш, мемнан олалан 8-9 имнешке милиционер кӱлеш.

Патруль дене кудалыштше имне деке йодмаш кугу лиеш. Тудо чытыше, мутым колыштшо да писе лийшаш. Вет нунылан кеч-могай игечыштат пашам ышташ да олаште тӱрлӧ вере лияш логалеш. Имнешке-влак патруль дене вӱд воктеке, бульвар ден парклашке лектыт. Тыгак тӱрлӧ пайрем годым олаште порядкым эскераш полшат.

...]]> user Sun, 11 Jan 2009 15:11:16 +0300 http://www.mari-el.name/2008/04/09/9_aprel.html http://www.mari-el.name/2008/04/09/9_aprel.html - Марий кундем, тӱзлане, пеледалт! Таче тиде – шомак гына огыл, а ыштыме паша.
- Кажне ийын Галина Уланова лӱмеш балет сымыктышын фестивальже лиеш. Тудын черетан фестивальже тений 9-ше апрельыште Йошкар-Олаште Эрик Сапаев лӱмеш опер да балет театрыште тӱҥалеш.
- Шукерте огыл Йошкар-Олаште йоча театр фестиваль эртен.
- Школысо тӱвыра кушечын тӱҥалеш? Йоча-влак тудым кузе аклат?
- Марий кундемысе кидмастар-влак уа гыч могай гына ӱзгарым огыт ыште.
- Куженер кундемыште шочшо весела муро-влак чылалан палыме да шарналт кодшо улыт. Тиде «Лӱҥгалтыш» ансамбльын мураршашыже.

Тиде да моло увер-влак нерген «Тема да комментарий» программыште ончыза. «Марий Эл ТВ-н» эфирже таче кастене 19 шагатат 30 минутлан тӱҥалеш, а эрла эрдене – 7 шагатат 30 минутлан.]]> user Wed, 09 Apr 2008 04:56:25 +0400