8 апрель

8 апрель8 апрельлан шӱдыр–влак мом сӧрат?

Шорык шӱдыр йымалне шочшо-влак тиде кечын иктаж-куш каен кертыт. Тыгак, паша йолташда тыланда полыш кидым шуялтат. Садлан, кеч-могай шонымашдам илышыш шыҥдарыме деч ончыч шарналтыза тудым, кӧ тыланда полшен. Тендан пелашда уке гын, тидын нергенат шоналтыза.

Презе. Тиде кечын кугу пашам ида ыште. Но тендам куан увер вуча: шукертсек тӱҥалме пашада лектышым конда. Шукырак жапым йоча-влаклан ойырыза. Да эше – тӱрлӧ торжа шомакым вуйышкыда ида нал.

Йыгыр. Йӧратымаште кугу пиал вуча. Тыгак келшыше йолташда дене вашлийын кертыда але иктаж пайремыш каеда. Шуко ида коч, пагарда корштен кертеш. А усталык пашаштыда ала-могай у шонымаш шочеш.

Рак. Усталык пашам ышташ кече тӱрыс келша. Иктаж-могай нелылык вашлиялтеш гын, ида ойгыро, тиде кужу жаплан огыл. Кечывал деч вара койышда вашталтеш.

Лев. Кеч-мом ышташ пижыда гынат, сеҥымашке шуыда. Каяшыже жапда уке гынат, йолташда але родо-тукымда дек кеч йыҥгырташ ида мондо.

Ӱдыр. Тиде кечын илышыштыда иктаж-мом вашталташ манын, шонымаш шочеш. Шуко вийым пыштыше паша деч лектышым вучыза.

Виса. Кумылда ынже воло манын, шкендам кидыште кучаш тыршыза. Кеч-можат тиде кечын тендан дечын гына шога. Компьютер дене пашам ышташ шонеда гын, тӱткырак лийза.

Скорпион. Тендан кумылдат кӱза, но йӧратымаш верч вуйдам ида йомдаре. Коллектив дене пашам ышташ кече тӱрыс келша.

Пикшызе. Ты кечын те ала-могай вучыдымо пӧлекым налыда. Иктаж лишыл еҥ дене мутланымаш деч вара кӧргӧ вийым шижыда.

Ирказа. Тиде кечын шкаланда каналташ пуыза. Уке гын, чылт ноенда вет. Арня мучко шуко паша логалын. Юмын йула дек шӱмаҥын кертыда.

Вӱд йоктарыше. Кугырак, ача-ава-влак дене вашлийын кертыда. Шкендам аралыза. Тазалыкда нерген шоналтыза.

Кол. Чонлан келшыдыме увер вуча. Садлан ямде лийза. Но тидын верчын кумылда ынже воло. Паша йолташда дене вашкылда пеҥгыдемеш. Но машина дене иктаж-куш каяш тарвынеда гын, тӱткырак лийза.

Ирина Якаева

8 апрельлан шӱдыр–влак мом сӧрат? (mp3)
скачать dle 10.2 КиноСвин
Автор: user | Дата: 7 апреля 2008 | Просмотров: 4100 Коментарии: 1
#1 написал: user (9 апреля 2008 14:03)
У кого не отображаются марийские буквы, то могут быть 2 причины:
1) старая версия браузера - эксплодер, например, должен быть IE7 (скачайте и обновите версию браузера);
2) в марийских текстах используется Unicode-шрифты, если у вас не стоят эти шрифты скачайте и установите Unicode-шрифты.
      • Для того чтобы написать комментарий к этой новости, пожалуйста, нажмите сюда.


      Яндекс.Погода Яндекс.Метрика
      Архив новостей
      Популярные новости