
Коркатово деч йӱдвел-эрвелке 2 меҥге тораште верланен. Негызым кунам пыштыме пале огыл. 1858-ше ийыште 132 еҥ илен. Ял калык вольыкым онченыт, кушкылым куштеныт.
1930-шо ийыште «У серем» колхозым почмо. Председательлан Степанов пашам ыштен. 1952-шо ийыште Йӱлесола Сотнур район, Арын сельсоветыш пурен. Вес колхозыш пурымеке, ял гыч чыла гаяк вольыкым наҥгаеныт. Ял калык паша деч посна кодын. Тидланак кӧра калык вес ялышке илаш кусненыт.
1993-шо ийыште вӱд пучым шупшмо. Ялыште таве уке да лийынат огыл. 2004-ше ийлан 12 суртышто 30 еҥ ила. Йоча-влак Коркатово школышто тунемыт. Калык Аринысе черкыш коштыт.
Лӱмлӧ еҥ-влак: Васильевмыт еш.
Пурлыклан: Мотор верысе пӱртӱс шотлалтеш.
Мурызо Эчан
Марий географий – Морко - Йӱлесола (mp3)