Снеге пеледеш

Мутшо Мирон Большаковын
Семже Эрик Сапаевын


Кумыл нӧлтын, мый йырваш ончем.
Сылне вер-шӧр мыйын ончылнем.
Вӱд ӱмбалне кечыйол модеш.
Сер воктене снеге пеледеш. 2 гана

Снеге гай чевер улат, таҥем,
Тыйын верчын йомо йӱд омем.
Келшыш мылам порын шыргыжмет,
Йылдыр-йылдыр ошкыл колтымет. 2 гана

Шӱмыштет йула гын тул-куан,
Мый лиям моткочак пиалан.
А кунам тый шулыкан лият,
Шӱм-чон дене ойганем мыят. 2 гана

Пеледалтме годым вашлийна,
Саскамат пырля ме погышна.
Снегылан вел огыл, мыланнат
Толылден пеледме рвезе жап. 2 гана

Снеге пеледеш (mp3) скачать dle 10.2 КиноСвин
Автор: user | Дата: 23 апреля 2008 | Просмотров: 5287 Коментарии: 0
    • Для того чтобы написать комментарий к этой новости, пожалуйста, нажмите сюда.


    Яндекс.Погода Яндекс.Метрика
    Архив новостей
    Популярные новости