Тодылалтше кумыл

Мутшо В.Изилянован
Семже В.Захаровын


Шонышо мый лийым,
Вучышо мый лийым.
Корнывожыш лектын,
Тыйым кӧ вашлийын?
Олыкна пеледе,
Толкыналтын кийыш,
Шӱлыкем леведын,
Саламетше мийыш.

Солышо мый лийым,
Погышо мый лийым.
Мут орлаҥге пуйто
Пуыш кӧргӧ вийым.
Кас мардеж тарватыш
Водын нӧлпӧ укшым.
Эртыме кышатым
Таче пургыж ӱштын.

Ала эҥыж кӱмым,
Ала снеге кӱмым
Шарныктен, ош лумыш
Возеш йошкар ӱмыл.
Тодылалтше кумыл
Курымешлан огыл -
Шочмо мланде кӱдынь
Иктат шкетын огыл.

Тодылалтше кумыл (mp3) скачать dle 10.2 КиноСвин
Автор: user | Дата: 29 апреля 2008 | Просмотров: 3743 Коментарии: 2
#1 написал: Angel (7 мая 2008 03:43)
Нелеш ит нал, чеченем…

Мутшо Анжелика Рыбакован

Шыргыжальым куанен,
Шыч ончал тый ӱмбакем.
Кайышыч тый весе ден,
Ял урем ден юарлен.

Шинчавӱдым йоктарен,
Ойгем ден шкетак шинчем.
Мый палем: толат саадак,
Шокшын мыйым ӧндалат.

Юмо кондыш савырен,
Шып ончальыч шинчашкем.
- Нелеш ит нал, чеченем, -
Пелештальыч мыланем.
    #2 написал: keche (4 октября 2008 22:12)
        • Для того чтобы написать комментарий к этой новости, пожалуйста, нажмите сюда.


        Яндекс.Погода Яндекс.Метрика
        Архив новостей
        Популярные новости