Татарла мутланаш тунемына. А марла? (mp3)

Оҥай web-лаштык шинчамлан логале: http://www.tatar.com.ru/. Тушто татарла мутланаш тунемашлан чыла гаяк йӧн уло манам гын, йоҥылыш ом лий, шонем. Икмыняр ссылке-влак пашам огыт ыште гынат, сайт шинчам куандара. А молан марий-влакын тыгай уке?

Тӱнямбал эҥыремышвотым шергалат да шонет: могай тале мемнан марий йылмызе да шанче пашаеҥ-влак улыт! Ик симпозиумышто, вес конференцийыште шке мастарлыкыштым да тале улмыштым ончыктат. Ик элыште да вес элыште марий йылмым нӧлташлан грант-влакым налыт. Теве, мутлан, Ханты-Мансийск олашке нунак миен коштыч: http://mariuver.wordpress.com/2009/11/26/mari-uchjonyje/.

А лектышыже могай? Могай пайдам нуно марий калыклан ыштеныт? Йӧршын умылен ом керт. Молан Марий википедийым ончалмаштат уке? http://www.mhr.wikipedia.org/. Але йоҥылыш лиям? А вет тиде кӱлеш пашалан нуно да нунын студент-влакышт шуко полышым пуэн кертыт ыле.

Ну, йӧра. Шке палат - мом ыштат.

...
Автор: user | Дата: 29 ноября 2009 | Просмотров: 4665 Коментарии: 2 | Подробнее

9 ноябрь. Увер йогын

Тиде кечылаште Пошкырт кундемыште «Мый марла ойлем» акций эрта. Марий эстрадын шӱдыржӧ Александр Речкин да «Марий Эл Радион» вӱдышыжӧ Санюн Вадик Бирск, Благовещенск, Янаул, Уфа, Нефтекамск олала, тыгак Мишкан да Калтасаште илыше марий-влакым Марий йылме дек кумылаҥдаш тӱҥалыт. Тыгай акций Пошкырт кундемыште Марий-влакын илыме верлаште шочмо йылмым тунемеш кумылаҥдаш, шочмо йылме деке пагалымашым шочыкташ эртаралтеш. Пошкырт кундемыште «Мый марла ойлем» акцийым эртараш шонымашым Башкортостан республикын Марий самырык ушемже, Марий Эл гыч «ВийАр» ушем, да Башкортостан республикын кучемже пуэныт.

Марий Эл Республикын Шернур районыштыжо «Они ковали Победу» книгам ямдылат. Тушкыжо Кугу Сар жапыште тылыште тырше-влакын лӱмыштым пуртат. Кӧн ача-аваже, родо-тукымжо Кугу ачамланде сар жапыште Шернур кундемыште илен да пашам ыштен, икманаш тылыште тыршен, ты книгашке нунын лӱмыштым пурташ манын, полшаш йодыт. Книгаш пуртымо радамыште тендан родо-тукымда уло але уке, рашемдаш шонеда гын, 70-40-10 номер дене йыҥгыртыза. 12 ноябрьыште Йошкар-Олаште 10 гыч 16 шагат марте Мер-политик рӱдерышке (Гагарин урем, 8 пӧрт) Ветарен-влак ушемышке толын эше ик гана родо-тукымдан лӱмжым книгашке пуртымо але уке шке терген кертыда.

...
Автор: user | Дата: 9 ноября 2009 | Просмотров: 3404 Коментарии: 1 | Подробнее

Сергей Байназов "Шочмо-кушмо вер" (ВИДЕО)

Сергей Байназов да тудын "Канде кава" коллектившын концертже:
- 13 ноябрьыште - Морко РДК;
- 14 ноябрьыште - Йошкар-Ола, Келшымаш пӧрт, Гагарин пр., 8.


...
Автор: user | Дата: 9 ноября 2009 | Просмотров: 7624 Коментарии: 5 | Подробнее

В Йошкар-Оле открыли памятник марийскому поэту и киноактёру Йывану Кырле

В Йошкар-Оле открыли памятник марийскому поэту и киноактеру Йывану Кырле. Бронзовый монумент, изображающий талантливого марийца верхом на дрезине, установлен на железнодорожном вокзале столицы Республики Марий Эл. Об этом сообщает корреспондент Инфоцентра FINUGOR.RU.

Как отметил принявший участие в торжественной церемонии открытия памятника президент РМЭ Леонид Маркелов, создание монумента увековечит память о великом земляке среди марийского народа. «Мы все помним Йывана Кырлю по фильму «Путевка в жизнь» в образе Мустафы. Он мог бы еще многое сделать, если бы был жив. Это трагедия всего народа. Мы признаем его таланты и сегодня открываем памятник в честь великого актера и поэта. Моя инициатива по открытию памятника была направлена на то, чтобы создать таким путем символ традиций марийского народа, который умеет трудиться, умеет петь, танцевать. Мы должны отдать дань памяти и уважения этому человеку, который многое сделал для своего народа», - подчеркнул он.

Как пояснил один из авторов памятника, заслуженный художник России, скульптор Анатолий Ширнин, работа над бронзовым монументом продолжалась в течение года. Средства на создание памятника выделило правительства РМЭ. «Было много вариантов памятника, но мы остановились на этом, который отражает уникальные черты того времени и его характер. Это памятник о выборе пути молодого человека того времени, - пояснил скульптор. – Вместе с тем памятник сохраняет этнографические черты – передает фигуру, лицо, весь пафос того времени».

...
Автор: user | Дата: 2 ноября 2009 | Просмотров: 3269 Коментарии: 2 | Подробнее

Ото

Сергей Григорьевич Чавайн

Ик тымык ото уло мемнан элыште,
Шога тудо ото кугу ер серыште.
Тушто ладыра деч ладыра пушеҥге кушкеш,
Тушто мотор деч мотор саска шочеш,
Тушто, ужар лышташ лоҥгаште, шӱшпык мура,
Тудо ото гыч ерышке яндар памаш йога.
Тушто шудыжат ужаргырак,
Тушто пеледышат сылнырак.
Тудо отым мый йӧратем,
Тушто пушеҥге руышым мый вурсем.
1905 ий 5 декабрь
Автор: user | Дата: 2 ноября 2009 | Просмотров: 5346 Коментарии: 0 | Подробнее


Яндекс.Погода Яндекс.Метрика
Архив новостей
Популярные новости