Пагалыме да йӧратыме, иза ден шольо, ака ден шӱжар-влак!!!

Эртен кайыш эше ик ий. Сайжат – нелыжат, пиалжат – кочыжат, куанжат – шинчавӱджат…
Тӱрлӧ лие тиде ийын.
Мо ышталтын? Ужында.
Кузе ышталтын? Акым те гына пуэн кертыда.
Палыза, ӱшаныза! Шке пашаштем, шке шонымаштем, шинчымашем да моштымашем - тыйын верч гына, Марий Эл!!!

Могай лиеш У 2009 ий? Мо мемнам вуча? Ӱшанем, чыла нелылыкым чытен, уто лавыра деч эрыкталтын, ару чон дене, Ош Сандалыкын сай икшывыже семын ончыко да пиалан илышышке ошкылым ыштена!!!

Шушаш У ий дене! Иза-шольо, ака-шӱжар-влак! Уло кумыл дене тыланем тыланда пиалым, тазалыкым, йӧратымашым, поянлыкым, чытышым.

Пайрем дене!!! У ий дене!! У 2009 ий дене!!!

Лариса Яковлева, Россий Кугыжаныш Думын депутатше, Мер Каҥаш вуйлатыше

(Саламлымаш, mp3)