Марий Эл Республикын тÿвыра, печать да
калык-влакын пашашт шотышто министрже
М.З. Васютинлан
Пагалыме Михаил Зиновьевич!
Мый шуко ий (1989 ий гыч) марий журнал да газетлашке марий йылмыште ситыдымашым тöрлатыме шотышто возен шогенам. Мыйын позицием тыгае: марий йылмыште правилым чын кучылтман, марий орфографийым тöрлыман, марий йылмыште суффикс-влакым да мут кылдалтмашым чын кучылтмаш да моло.
Но «Марий Эл» газет мыйын чын возымо статьялан мыскылен вашештен.
Южо шанчызе мыйым умылен, южыжо умылен шуктен огыл.
Тыгак кызытсе жапыште Марий Эл Республикыште да Йошкар-Олаште страдательный причастий суффикс-влакым – ыме, - ымо, - ме, - мо да молат олмеш действительный причастийын суффиксшым – ыше, - ышо, -ше, -шо, шындат. Марла возымо оҥа-влакым йоҥылыш возгалат, эсогыл южо вереже марлашке огытат кусаре. Оҥалаште - ӱ, - ӧ, - ҥ ок возалт. Мутлан, бульвар Победы – Сенымаш бульвар, кӱлеш Сеҥымаш бульвар.
Мыйын йодмашем тыгай, тендан полшымыда дене йылмызе-влак дене кутырен келшен, экшык-влакым тöрлаташ. Тыште, мый шонем, Марий кугыжаныш университетын да Марий кугыжаныш педагогик институтын Марий йылме кафедре-влак полшен кертыт.
Пагалымаш дене,
Апсатаров Иван Апсатарович
Йошкар-Ола, Вашский урем, 9 пöрт, 65 пачер
Общественно-политическая терминология на страницах газеты "Марий Эл"
Архив новостей
Популярные новости