16 апрельлан шӱдыр-влак мом сӧрат?

Шорык. Тиде кечын иктаж-могай у пашам тӱҥалаш лиеш. Но нимогай эмым да аракам йӱман огыл.

Презе. Келшыше айдемыланда йӧратымаш нерген ойлаш келшыше кече. Ида мондо, кеч-могай иктешлымашым ыштыме деч ончыч, весын ойжымат шотыш налман.

Йыгыр. Тиде касым йолташда дене эртарыза. Кӱлешан пашам ида тӱҥал, ик кечым чыталтыза.

Рак. Тиде кечын моткоч кугу вийым шижыда. Мӧҥгыштыдат ынде шуко паша погынен, тудым ышташ кӱлеш.

Лев. Паша йолташда, родо-тукымда да икшывыда дене вашкылда пеҥгыдемеш. Те сай койышдам ончыктеда. Тидын нерген вес ганаят ида мондо.

Ӱдыр. Власть органыште ыштыше-влак дене ик ойыш огыда шу. Садлан йӧнда уло гын, нунын дене вашлияшат ида тырше.

Виса. Пашам ыштен моштымыланда кӧра, тендам чылан пагалаш тӱҥалыт. Садлан шкендам сай могыр гыч гына ончыкташ тыршыза. Вет тендам весе пагала гын, шкенданат кумылда кӱза.

Скорпион. Кеч-могай пашадат ушна. Усталыкдат вияҥеш, ала-могай у шонымаш шочеш.

Пикшызе. Кеч-могай пашаште кугу сеҥымашке шуыда. Машина дене иктаж-куш каяш ямдылалтыда гын, корнышто тӱткырак лийза.

Ирказа. Кече сымыктышлан да спортлан тӱрыс келша. Мӧҥгысӧ янлыкдам эмлызе деке ида наҥгай. Икмыняр кече вучалтыза.

Вӱд йоктарыше. Ты кечын тазалыкда нерген шоналтыза. Кӱлеш гын, эмлызе деке миен толза. Тыгак илышыштыда ала-могай вашталтыш лийын кертеш.

Кол. Тендан вийда шижалтеш. Ала-могай пашамат ыштен кертыда. Садлан, ончыко.

17 апрельлан шӱдыр-влак мом сӧрат?

Шорык. Тыланда тиде кечын моткоч шып коштман. Нигӧ дене вурседылман огыл.

Презе. Шке вийдам ончыктыза. Шуко ида ойгыро, чыла сай лиеш.

Йыгыр. Ала-могай вашталтыш лийын кертеш. Кӱлешан пашам ида ыште. Лучо ик кече вучалтыза.

Рак. Тиде кечын каналтыза. Чодыраш, яндар юж дене шӱлалташ миен толаш лиеш.

Лев. Йӧратыме айдемыда дене туманлымашке шуаш огыл манын, йылмыдам кучаш тыршыза.

Ӱдыр. Илышыште вет тўрлыжат лиеш – сайжат, осалжат. Садлан вуйышкыда утыжым ида нал.

Виса. Те иктаж-кӧ дене туманлен, вурседылын кертыда. Садлан тыгай ынже лий манын, сайынак кояш тыршыза.

Скорпион. Його койышда шочеш да тидлан кӧра тазалыкда лунчырген кертеш.

Пикшызе. Тиде кечым ешда дене эртарыза. Икшыве-влаклан гын, у модышым налаш ида мондо.

Ирказа. Кеч-могай пашам ыштымаште тӱткырак лийза.

Вӱд йоктарыше. Еш дене иктаж-куш кайынеда гын, тиде келшыше кече. А кастене гын, каналтыза.

Кол. Ида ондале – шкаланда веле удам кондеда.

18 апрельлан шӱдыр-влак мом сӧрат?

Шорык. Кеч-мо лиеш гынат, вуйышкыда ида нал. Вуйлатышыда дене неле мутланымаш вуча.

Презе. Кугу вийым шижыда, садлан шуко пашам ыштен кертыда.

Йыгыр. Деловой вашлиймашлан да мутланымашлан кече тўрыс келша. Йолташда театырыш але кинош ӱжын кертыт.

Рак. Шуко уым пален налыда. Тыгак паша йолташым ойыраш тӱҥалда гын, тӱткырак лийза.

Лев. Кеч-могай пашам тӱҥалме дечын ончыч тӱткырак лийза. Йоҥылышым ида ыште.

Ӱдыр. Спортлан жапым ойырыза. Касым гын ешда дене эртарыза.

Виса. Пашаште ала-могай кугу вашталтыш вуча. Ида ондале – тидын дене торашке огыда шу.

Скорпион. Арымеш оксам ида пу, шкежат ида нал. Тыгак шкаланда спонсорым муын кертыда.

Пикшызе. Йоратыме айдемыланда шукырак жапым ойырыза. Чондаят каналта.

Ирказа. Усталык пашада воранен толеш. Тыгак йолташда тендам ондален кертеш, садлан тӱткырак лийза.

Вӱд йоктарыше. Весын уда койышыжым вуйышкыда ида нал, тудым садыгак вашталтен огыда керт.

Кол. Мӧҥгысӧ пашалан шукырак жапым ойырыза. Да нигӧ дене туманлаш ида тырше.

19 апрельлан шӱдыр-влак мом сӧрат?

Шорык. Кече иктаж кугу пашам тӱҥалашлан келша. Кеч-могай йодышлан вашмутым муыда.

Презе. Окса пашада воранен толеш. Чот шинчалан, ӱйан кочкышым ида коч. Пагарда корштен кертеш.

Йыгыр. Вийда шаглрак лиеш. Усталык пашалан гын, кече огеш келше. Тидым лучо вес кечылан кодыза.

Рак. Йӧратымашлан верчын вуйдам гына ида йомдаре.

Лев. Тендан койышда карьерыланда мешаен кертеш. Садлан йылмыдам кучаш тыршыза. Уда койшдам ида ончыкто.

Ӱдыр. Тиде кечын каналтыза. Пашаште кугу лектышым ида вучо.

Виса. Кугырак-влак дене поро муталнымашке огыда шу. Нуно шкеныштымак тӱаш тӱҥалыт. А тиде тыланда огеш келше.

Скорпион. Илышыштыда иктаж-могай вашталтышым вучыза.

Пикшызе. Пашаштыда йоҥылышым ида ыште. Тӱткырак лийза.

Ирказа. Шкаланда гына ӱшаныза, молан маныш гын, тыланда йоҥылыш ой-каҥашым пуэн кертыт.

Вӱд йоктарыше. Уш дене кылдылтше пашам ышташ лиеш. Парикмахер деке миен толза.

Кол. Кеч-могай неле пашам тӱҥалын кертыда. Тыланда тидын шотышто пиал шыргыжалеш.

20 апрельлан шӱдыр-влак мом сӧрат?

Шорык. Тиде кечын вуйдат сайын пашам ышташ тӱҥалеш. Садлан чыла пашадат ушнен толеш.

Презе. Лишыл родыланда верчын вуйда коршташ тӱҥалеш. А усталык пашаштыда сай вашталтыш вуча.

Йыгыр. Машина дене кудалыштыда гын, корнышто тӱткырак лийза.

Рак. Йӧратымашлан верчын вуйдам ида йомдаре, тиде огыл гын весе.

Лев. Чытышырак лийза. Паша йолташланда уда койышдам ида ончыкто.

Ӱдыр. Тиде кечын каналтыза. У пашам ида тӱҥал. Икшыве-влаклан шукырак жапым ойырыза.

Виса. Кугырак-влак дене сай, поро мутланымшке огыда шу. Садлан тидым вес кечылан кодыза.

Скорпион. Илышаштыда кугу вашталтышым вучыза. Тендам командировкыш колтат гын, йӧн улмо семын тидым вес кечылан кодыза.

Пикшызе. Пашаштыда тӱткырак лийза, йоҥылышым ида ыште.

Ирказа. Шонен пыштымышкыда шуыда. Садлан ида ойгыро, чыла сай лиеш.

Вӱд йоктарыше. Тиде кечым йолташ-влаклан пӧлеклыза. Кӱлеш гын, полыш кидым шуялтыза.

Кол. Кеч-могай неле пашам тӱҥалын кертыда. Вийда шуко.

21 апрельлан шӱдыр-влак мом сӧрат?

Шорык. Ала-могай вашталтыш лиеш. Тыгак вучыдымо уверым пален налын кертыда. Касым гын йолташда дене эртарыза.

Презе. Пашаштыда йоҥылышым ида ыште. Сеҥымашке шуаш манын, весын ончылно уда койышдам ида ончыкто.

Йыгыр. Ончыч ыштыме пашаланда тиде кечын лектышым вучыза.

Рак. Уш дене кылдалтше пашамат, шуко вийым налше пашамат ыштен кертыда. Йӧратыме айдемыда дене поро мутланымашке шуыда.

Лев. Кеч-могай неле пашам тӱҥалын кертыда. Вийда шуко погынен.

Ӱдыр. Шкендам кидыште кучаш тыршыза. Нигӧ дене ида туманле, уке гын, вес кечын тидын нерген чаманеда.

Виса. Тиде кече пашаланат, мутланымаш-влакланат келша. Те илышым аклаш тунемыда.

Скорпион. Кугырак-влак дене вурседылмаш шуын кертыда. Йӧратыме айдемыда дене вашлиймашым лучо вес кечылан кодыза.

Пикшызе. Шонен пыштыме пашадам ыштыза. Пошкудыда дене чыла йодышым рашемдыза.

Ирказа. Окса нерген шуко ида шоно, уке гын «окса дене кылдалтше» синдром дене черланен кертыда. Тудо толеш да кая.

Вӱд йоктарыше. Лишыл родыда дене туманлымашке шуаш огыл манын, чытышырак лийза.

Кол. Компьютер дене пашам ыштеда гын, тиде кечын тудын ончылно шагалрак шинчаш тыршыза.

Ирина Якаева